ليه المنتخب اتغلب من امريكا؟؟

السلام عليكم ورحمة الله وبركاته

طبعا الصاعقة اللى حصلتلنا يوم ماتش المنتخب وامريكا محتاجة نقاش مننا عشان نعرف الاراء... الماتش اللى كنا داخلينه واثقين من فوزنا او حتى لو كنا اتغلبنا 2 بس كنا حنصعد وامريكا المفروض كان امرها منتهى وداخلة عشان تتغلب تحصيل حاصل يعنى..بس على راي المثل جت تتطل غلبت الكل .. طلعنا منه مغلوبين 3\صفر لصالح امريكا... في عندى شوية اسباب حقولها وقولولى رأيكوا:
1- اكيد اننا استهترنا بمنتخب امريكا وقولنا احنا حنغلبة من غير مانلعب
2- إصابات أهم لاعبين المنتخب المصرى مثل سيد معوض و أحمد فتحى (لم يستكمل المباراة )
3- غياب محمد حمص ومحمد زيدان لاصابته
4-عدم إلتزام خطوط الوسط فى المنتخب بموقعهم
5-تمريرات المنتخب قصيرة جدا ولا يوجد تركيز بها إطلااااقا
6-الإهتمام المنتخب بالتعريض رغم أن أمريكا أكثر طولا و أكثر قوة بدنيا
7-خطة غير محكمة من حسن شحاته واختيار غير موفق لافراد المنتخب ....
ده بشكل مختصر..ارجو منكم المشاركة ومناقشة الاسباب دى ولو حد عنده اسباب تانية يقولها

وعليكم السلام وحمة الله وبركاته

أكيد أستهترنا مفيش جدال فى ذلك

سيد معوض كان واخد فى مبارة ايطاليا اسرع لاعب فى المباراة وغيابه كان له تأثير كبير وخصوصا ان بديلة أحمد سمير فرج كان مش قد كده

أحمد فتحى كان مصاب وغير كده لعب فى مركز مش مركزة كان المفروض لعب فى مركزة جناح ايمن

حمص كان مجهد جرى 11 كيلو فى ماتش ايطاليا ( الـ 11 كيلو دول بيجريهم فى الدورى المصرى كله )

زيدان بسبب الجرية اللى جراها فى مباراة ايطاليا واتصاب من بعدها مقدرش يعلب ماتش امريكا

المنتخب كات كل تمريراته طوليه ومش منظمه بيتخلصوا من الكرة

حسن شحاته غلط لما لعب بفتحى دفاع وهو مصاب وعلى احسن لاعب فى امريكا كمان كان المفروض يلعب بالتشكيل العادى

عصام الحضرى

وائل جمعه - هانى سعيد - أحمد سعيد أوكا

عبد العزيز توفيق - محمد شوقى - حسنى عبد ربه - أحمد فتحى

محمد أبو تريكة - أحمد عيد عبد الملك

أحمد عبد الغنى

وفى النهاية المنتخب بيمشى عكس التوقعات نقول حيخسر ويشيل اهداف كتير يلعب ماتش العمر نقول حيكسب ويوصل يخسر وبفضيحه وعجبى على المنتخب

المهم إنه كل واحد حيتعب أكيد حيجنى ثمار تعبه

تعبنا فى ماتش البرازيل وايطاليا ادينا والعالم احترمنا

لم نلعب اما امريكا وخسرنا فاستحقينا الهزيمة