سؤال للمحامى الكبير بتاعنا ؟؟

عضو جديد

السلام عليكم ورحمة الله وبركاته

فى البداية طبعا يا فاروق انت عارف انى فى حقوق

بس ليا سؤال وسؤال شخصي ليك كمان Laughing

انا عارفة انك تعرف ربنا وكل حاجة

بس انا من خلال ماشوفت محامين

لقيت اى محامى بيبقى نصاب او بيدافع عن ناس قتالين او اى حاجة

فعاوزة اعرف هل فى حد محامى بيشتغل بضمير ولا لاء ؟؟ lol!

ولو فيه هل هما بيجلهم شغل وبيشتغلوا ؟؟

وسورى انى عاملة موضوع بحاله عشان السؤال ده

بس عشان اى حد غيرى يستفاد من رايك بردو انت تعرف اكتر منى

بسم الله الرحمن الرحيم

ازيك يا ندى وكل سنة وانتى طيبة وانتى الى الله اقرب ويكون الله راضى عنك ويحققلك كل امنياتك

حارد عليكى بحاجه بسيطة جدا وهى ان الطبع اللى جوه الشخص هو المسئول عنه يعنى لو طبعه انه انسان بيخاف ربنا وبيراعيه فى كل اعماله عمره مايغضب ربه ولو عمل كده اكيد مليون فى الميه حايندم وحايرجع لطبعه الاصلى التقوى والخوف من الله

اما بالنسبة لو كان شخص طبعه انه بيحب النصب على الناس ومبيخفش ربنا فى تصرفاته اكيد حايعمل اى حاجه

هى دى وجهة نظرى فى حياة اى شخص هى الطبع وبجد عمره مابيتغير يعنى لو كان شخص طبعه وحش حايفضل طول عمره وحش ممكن اه يتغير شوية ويبقى كويس لكن حايرجع لطبعه وباردو للشخص اللى طبعه كويس ممكن يجى وقت عليه يبقى وحش فى حاجات بس اكيد طبعه الاصلى الكويس هو اللى حايغلب

اما انا بالنسبة لمهنه المحاماة انا كان نفسى بجد اشتغلها واكون فيها لكن انا شغال فى مجال تانى بعيد عن المحاماه بس بحاول انى اكون متصل بها من على بعد اعرف عنها كل حاجه

واخر كلامى انا مش بحترم اى شخص يكون بيخاف ربنا وبيراعيه فى كل تصرفاته ويجى لما يشتغل محامى يقول دى رزقى ولازم اعمل اى حاجه علشان اكسب حاقوله حاجه واحده بس اشتغل ماشى واكسب بس برضى الله عزل وجل ومن غير ماتنصب على حد ربنا حايباركلك اكتر

وكل سنه وانتى طيبة وسنه سعيدة عليكى وتحققى كل احلامك فى رضى الله عز وجل اللهم آمين آمين آمين يارب العالمين

عضو جديد

شكلك معايا فى نفس النقطة ان اغلب المحامين اذا مكنش كلهم كده

واللى اعرفه عنك انك بتحب المحاماه

فطريقة كلامك تدل ان انت نفسك بس حاسس زيي او شايف كده

انا عشان كده والله قررت مشتغلهاش مع انى بحبها اوى اوى اوى

وكان نفسي ابقى محامية فعلا

وكل سنة وانت طيب ونسيت اباركلك على المنتدى

الف مليون مبروك ويارب تكبره وتكبره علطول

لا ياندى انا مش علشان كده بعدت عنها انا ظروف الشغل اللى اتوضعت فيه مينفعش اسيبه لانه محل والدى وانا دلوقتى اللى ماسك كل حاجه فيه وزى ماقولتلك انى لو مكنش قدامى غير المحاماه كنت حاشتغلها طبعا واكيد لان الطبع هو اللى بيخلى الانسان يروح فى الطريق اللى اتعود عليه اما الصح او الغلط وبعدين مش عايزة تشتغلى ليه اشتغلى واثبتى لكل الناس انك عندك القدرة انك اشتغلتى محاميه ومانجرفتيش نحو التيار السئ بل انك حافظتى على المهنة وحافظتى على شخصك انتى بانك التزمتى وراعتى ربنا فى شغلك ولو قابلك اى حاجه وحشه فى الشغل قاوميها لان بجد الاشياء السيئه بقت فى كل حاجه والمسئول دلوقتى هو الشخص هو اللى يقدر يكون شخص كويس ويجبر الناس على احترامه وقبل كل ده يرضى ربنا او انه يكون شخص فاشل اسلوبة الوحيد للكسب هو الحرام الونصب على الناس واكيد ده طبعا شخص مش بيراعى ربنا فى اى حاجه

وشكراً جدا على مشاركتك وتواجدك وبجد بجد بجد نورتى المنتدى وسعيد جدا بتواجدك ومواضيعك وبحب جدا المواضيع اللى بتفتح مجال للمناقشه وتبادل الاراء

ومنتظر مواضيعك القيمة والشيقة والجميلة

» سؤال بلا جواب
» حلقة برنامج بالقانون صوتية وضيف الحلقة الاستاذ الكبير بهاء ابو شقة