سؤال بلا جواب

عضو جديد

السلام عليكم ورحمة الله وبركاته

نفسي واحد جريء يرد عليه ويقولي ليه الشباب بيعاكسوا البنات؟ ليه البنت مش قادرة تمشي بأمان في الشارع طالما ساترة نفسها ملتزمة بحاجبها الشرعي ماشية محترمة وفي حالها ؟

موضوع قديم... عارفة بس لحد دلوقتي مش لاقينه حل ولا اجابة كل ما نسأل يقولوا( أصل البنات لبسها وحش -الغلط من البنت أكيد كانت ماشية مش مضبوطة ) والتبريرات مبتخلصش والمشكلة زي ماهية مبتتحلش وكل فترة الجرأة بتزيد والنخوة بتقل مش عارفة لغاية امتي حنفضل احنا البنات ماشين في الشارع خايفين؟ لغاية امتي كل راجل شايف بنت بتتعرض لمضايقة يقول أنا مالي ؟ولغاية امتي كل واحد غلطان حيعلق غلطة علي شماعة غيره؟

انا مش عارفة والله بجد الغلط فين وايه المطلوب من البنت توقف حياتها لاتروح شغل ولا دراسة ولا أي مشوار خالص عشان تترحم من قذارة كلام بتسمعه .

والله العظيم المعاكسات بتجرح ووالله البنات مش بتفرح بالموضوع ولا حاجة واللي بتفرح دي بنت معتقديش انها سوية .

ياجماعة الموضوع زاد قوي ومبقاش ينفع يتسكت عليه خلاص ولازم نلاقي حل

أولاً : يا فراولاية لما بشوف بنت بتعدى من أمامى مش بعاكسها ولا حاجه حتى لو كانت لابسة لبس مش محترم

ثانياً : حكاية أن الموضوع زاد وبقى كتير والمعاكسات بتكتر ومفيش حد بيوقفها فده يرجع لاسباب كتير جدا وصعب اننا نحصرها او نوقفها كلها ومنها ان فيه ولاد كتير بتحب تستظرف وولاد مش متربية وبنات كمان تلاقيها ماشية وتعمل حركات تخلى الولاد يعاكسهم وبنات تمشى تضحك وبنات ماشية ولابسه لبس مش محترم علشان حد يعاكسهم وحاجات كتير جداااااااااااااااً يمكن انا قلت نبذه مختصرة عن الحاجات الكتير

عضو جديد

كلامك صح جدا بس في ولاد بتضايق بنات والموضوع مش بيقتصر علي مجرد معاكسة بس دول بيستلموهم بظول الشارع وده حصلي شخصيا وانا لابسة الزي الشرعي خمار طويل جدا ولبسي عبايات واسعة ومع ذلك مفيش فايدة وبصراحة من غيظي كتبت لاني مش عارفة أعمل ايه انا واللي زيي عشان نترحم

أكيد حايبقى فى قلة قليلة جداً من الأشخاص حتلاقيهم بيعاكسوا لانهم مش محترمين وهما مش فارق معاهم اللى قدامهم لابس ايه لان هما مش ملتزمين أصلا بالاحترام ومعندهمش اى فكرة عن الاحترام واللى زى دول الواحد ميدهمش أى أهتمام ويسبهم كده لان مفيش حاجه حاتغيرهم ولا كلام ولا أى حاجه وربنا يهديهم

اولا يا فراولاية انا بشكرك على الموضوع الحيوى ده .
ثانيا انتى عندك حق الموضوع زاد بس اسمحيلى اعلق على كلام فاروق ان فعلا قلة قليلة من الولاد اللى اصلا غير اسوياء هم اللى بيعكسوا البنات المحترمة ودى حتلاقيها قليلة واللى حصللك ده اكيد مش حيتكرر الا قليييييييييل اوى..لانى انا كمان لبسي زيك تقريبا بس طرحة طويلة وعبايات او جيبات بس..وبرضة بتعاكس بس مش بغلاسة يعنى لانى ماشية محترمة في لبسي ومحترمة في مشيتى يبقي حتعاكس ليه؟؟ بيبقي مجرد تطفل من بعضهم او غلاسة ليس الا...
انما ارجعى بقي للاصل ان فعلا البنات هم اللى زودوها اوى الفترة الاخيرة والبنطلونات الضيقة والجيبات القصيرة بقت عادى جدا كأننا في شرم الشيخ ودول سياح..بقت حاجة تقرف...يا بنتى انا كبنت بيلفتوا نظرى وببصلهم....ربنا يهدى العاصي ويحفظنا يارب.....واسفة للاطالة

فعلاً يا زمردة بنات كتير بيزودوها اوى اوى اوى

ربنا يهديهم يارب

عضو نشيط

والله انا شايفة ان الشباب بيعاكس البنات لتلات اسباب انه تكون البنت نفسها عايزة تتعاكس سواء بلبسها او بسلوكها وطبعا الشاب مش حيحرمها او ان تكون البنت محترمة بس جميلة وبالتالي الشاب مضطر يعاكس لجمالها الملفت او ان تكون البنت محترمة وعادية بس هو شاب رخم وبيعاكس اي حد وطبعا بالنسبة للبنت اللي مش محترمة معندهاش مشكلة اصلا والبنت الجميلة تحاول تداري مفاتنها علي اد ماتقدر يعني مينفعش تلبس حجاب مثلا تداري مفاتنها بيه فيكون هو فتنة واخيرا المفروض لما البنت تتعاكس متبينش للشاب حتي انها متضايقة لان بعض الشباب بيعتبر ده نوع من الدلع فيسوق فيها انما تعتبره عمود نور في الشارع

علي فكره في شباب كتير اوي مش محترمه وفي بنات مش محترمه واشباب اللي بتعاكس البنات بيحسبوا ان البنت بتفرح اوي وده غلط ..ده انا منتقبه وبالرغم من كده بتعاكس وانا ماشيه في الشارع لدرجة ان انا كرهت الخروج من البيت لاني حاسه اني فيه حاجه غلط بسب المعاكسات....وبجد الموضوع ده زاد اوي وده من قلة الدين عند الشباب لانه مش عارف انه كما تدين تدان

» سؤال للمحامى الكبير بتاعنا ؟؟