ايه رايكوا في حبة نكت رخمة تضحكنا شوية؟؟؟
*في واحد معاه أرنب يبيعه جاه واحد محشش وقال له بكم القرد ده ؟ رد عليه .. ياخي ده أرنب مش قرد .. قال المحشش يا عم أنا أسأل الأرنب مش بسألك.....
*مـره قـزم عـطـس ... خـبـط راسـه فـي الارض
*واحـد احـول حـس بالـبـرد وهـو نـايـم ... قـام وغـطـى اخـوه
*واحد احول اكتشف بعد عشر سنوات انه يصرف على الجيران
*فيه واحد بخيل تزوج .... راح شهر العسل لوحده
*زوجة صحيت من النوم في نص الليل، مالقيتش جوزها في الأوضة خرجت تدور عليه لقيته في الصالة واقف قدام النتيجة الي ع الحيطة ببص في التاريخ وبيعيط..
-بتقول له مالك يا حبيبي فيه ايه ؟
-قال لها فاكرة من خمسة وعشرين سنة لما باباكي اكتشف اللي بينا وقال لي لو ما اتجوزتهاش دلوقتي انا حادخلك السجن تاخد تأبيدة ؟؟
-قالت له طبعا فاكرة ودي حاجة تتنسي ؟
-قا لها وهو بيعيط أهو لو كنت اتسجنت، كان زماني اخدت افراج النهاردة
*مرة فار ماشى مع خطيبته فى الغابة وفجاة لاقى الاسد فحب يعمل راجل قدام خطيبته
-فراح للاسد قاله: انت يا حيوان
-الاسد رد قاله: انت بتشتمنى انا ؟؟
-رد الفار وقاله: ايوة بقلك انت
و مشى الفار وراح وصل خطيبته لبيتها وهو راجع قابله الاسد قالوا : انت كنت بتشتمنى انا يا فار؟؟
-قالوا: لا والله دا انت ملك الغابة هو حد يقدر يشتمك؟؟
أنا بس كنت بعمل شويتين كدا قدام البت .. انا اسف وهات راسك ابوسها
طلع الفار على راسوا عشان يبوسها فلقى خطيبتوا معديه
فقال للاسد: ادوس على دماغ امك دلوقتى؟؟؟
*مرة واحد سافر الكويت لقى الاسامى بوحمد و بو فهد و بو محمد و بو فيراس راح سمى نفسه بوكيمون
*واحد قال لأبنه نابليون وهو أدك كان أول واحد في الفصل رد الواد على والده نابليون وهو أدك يا بابا كان إمبراطور
*واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوية
*اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها برحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص ورا ملقاش الهدوم فقال له كفاية كدة احنا بعدنا اوى
*نظرية مسطوول: العلم نور والنور كهربة والكهربة خطر يبقى بنتعلم لية؟
*مرة دكتور دخل غرفة في مستشفى المجانين لقي واحد بيخبط دماغة في الحيط , سأل الممرضة ماله ده ؟
قالت أصله كان بيحب وحدة ومتجوزهاش .. فدخل الدكتور الغرفة الي بعدها لقي واحد بيضرب نفسه بالشبشب ,
قالها وده ماله ؟ قالتله أصل ده الي اتجوزها
كفاية كدة لحد مااشوف ردود الافعال