بسم الله الرحمن الرحيم
السلام عليكم ورحمة الله وبركاته

عزيزى الزائر / عزيزتى الزائرة يرجى التكرم بتسجبل الدخول إذا كنت عضو معنا
أو التسجيل إن لم تكن عضو وترغب في الإنضمام إلى
أسرة منتديات فاروق

سنتشرف بتسجيلك
شكراً جزيلاً
إدارة المنتدى





منتديات فاروق

شامل كافة أحتياجاتك اليومية
 
الرئيسيةموقع فاروقالتسجيلدخول

نتائج كلية الحقوق
الآن كل الفرق و الشعب
نتائج كلية التجارة
الآن كل الفرق و الشعب
نتائج كلية التربية
 الآن كل الفرق و الشعب
نتائج كلية الآداب
 الآن كل الفرق و الشعب
نتائج تنسيق رياض الأطفال
الآن
نتائج تنسيق الثانوية العامة
الآن المرحلة الأولى و الثانية
طلبات التحويل بغرض تقليل
الإغتراب وليس تعديل رغبات

شاطر | 
 

 تعالوا نشوف الفرق بين زمان ودلوقتى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
zomorroda





مُساهمةموضوع: تعالوا نشوف الفرق بين زمان ودلوقتى   الأحد يوليو 05, 2009 6:22 pm


بسم الله الرحمن الرحيم

جايبالكم موضوع ظريف يوضح الفرق بين الحياة زمان واسلوب الشباب في علاقاتهم الاسرية ودلوقتى ايه اللى حصل
البنت لما حد يسألها..إنتى مخطوبة؟

زمان:- لسه ربنا مأذنش,وعينها فى الأرض ووشها يحمر.
دلوقتي:- لأ ليه عندك عريس؟إيدي على كتفك..ناس معندهاش نظر.طيب متشيل انت

*الولد داخل على باباه ياخد مصروف الاسبوع

زمان:- ممكن يقول لمامته هى تقول لباباه انه عايز المصروف لانه محرج انه يطلب كده من باباه وخايف منه.

دلوقتى:- إيه يا مان احنا النهاردة كام فى الشهر ؟ انت مش هتأبجني ولا إيه حكايتك بالظبط ؟ يالا اختصر عشان معنديش وقت وصاحبي بيرنلي عشان انزل.ايه يا عم انت وقعت على ودانك وانت صغير ولا ايه ؟مش سامعني يعني ؟عايز الفلوووووووس...المونيـــــــــــــــــــــــــــــ ــى

*خروج الولد وموعد رجوعه البيت

زمان:- كان ممنوع التأخير ولو اتأخر يبقى لسبب قهري مع ابداء الاسباب والاعتذار الفوري.

دلوقتي:- تلاقي الولد داخل الساعة 1 صباحاً ,باباه يقوله كويس انك متأخرتش النهاردة!!,يرد الولد تأخير ايه يا مان أنا طالع اغير هدومي ونازل تاني ,انا وكام واحد من اصحابي عندنا ماتش كده على الماشي .خش انت نام ومتقلقش وانا مش هتأخر...الاب نام وصحي ونزل يصلي الفجر وهو راجع يلاقي ابنه عند بتاع الفول بياكل !! ايه يابني انت لسه مروحتش؟ يرد الولد اهلااااا بالكبير اوى
معلش بأه الماتش سخن اصله ولسه خلصان ولا ايه يا جماعة؟؟ كله يهز راسه بالموافقة وبؤه مليان اكل ,,يكمل الولد بعدين لقينا عصافير بطننا (بتنعر!!)قلنا نسدها بأه .


دخول الاب البيت

زمان:- يسمعوا بس صوت باباهم من بعيد كله يقوم مرعوب واللى فى ايده حاجة يسيبها ويستقبلوا باباهم على الباب ولو معاه حاجة يشيلوها عنه.
دلوقتى:- الولد قاعد قدام الكمبيوتر او بيتفرج على ماتش كورة ، البنت بتتكلم فى التليفون (مش فاضيين يعملوا ايه !!) الاب على الباب بيخبط (مع العلم ان الاب ليه خبطة مميزة يعني عارفين انه اللى على الباب)
الاب خبط مرة واتنين ويرن الجرس فين وفين البنت اخدت بالها ان فى حد بيخبط,,انت يابني متسيب اللي في ايدك ده وتروح تفتح لبابا,,يرد الاخ نعم هاخد اوامر منك اظن؟؟؟ ما تقومي انتى ياختي بدل الرغي اللى مالوش لازمة,,ترد نعم؟؟على الاقل انا بتكلم فى التليفون اقول ايه لصاحبتي يعني ؟؟انما انت مبتعملش حاجة ماتقوم انت ولا انت لازم تمارس دور راجل البيت وخلاص؟؟يرد ماتعدلي كلامك معايا انا اخوكي والولد هنا وكلامي لازم يتسمع...ترد على العموم بابا معاه مفتاح وتلاقيه شوية وهيفتح بيه ولا الحوجة ليك يا اخويا.

*نزول الولد لشراء احتياجات البيت

زمان:- كانت البنت المفروض متنزلش كتير والولد فى غياب الاب راجل البيت يعني يشتري كل احتياجات والدته دون تذمر!
دلوقتي:- الام يطلع عينها من التحايل على الولد ينزل يجيب حاجة من البقال اللي جنبهم حتى يرد ما تخلي فلانة تنزل ماهي قاعدة ما بتعملش حاجة.الام تقوله يابني اختك المفروض ماتنزلش كتير ديه مهما كانت بنت والوقت متاخر.بنت يعني ايه؟؟العو هياكلها مثلا؟ ولا الاشكيف مستنيها؟؟ديه بنتك تخوف بلد. يابني انت المفروض راجل البيت..يرد وانتوا خليتوا فيها راجل مش طالبتم بالمساواة؟يالا اشربوا عشان تبقوا تقولوا الراجل زى الست.هى فى حاجات وحاجات لأ يعني؟؟حاجة غريبة اوي!!!

نزول المرأة للعمل

زمان:- كانت المراة بتسعى من اجل حريتها واثبات ذاتها وكيانها ووجودها وكانت تتمنى النزول للعمل

دلوقتي:- منه لله قاسم امين .هو اللى بهدلنا. هو اللى نزلنا الشغل و خلانا نتبهدل . انا ايه اللى يخليني انزل واتبهدل فى المواصلات كده,, مش لو كنا قاعدين فى بيوتنا كان يبقى اكرم لنا ؟؟!!!!

*ولد حب يتعرف على بنت

زمان:- الولد لو راح يكلم بنت (بعد ما تطلع عينه ) يحمر وشها ..ولو ردت عليه يبقى كلمة وخلاص وغالباً بتكون بتصده وبتمشي خايفة لا يكون اخوها معدي ويشوفها ويزعقلها.

دلوقتي:- الولد راح يكلم بنت ردت عليه تقوله,لخص عايز ايه من الأخر يعني؟؟؟يعدي عليها اخوها ومعاه صاحبته يعملها باي من بعيد وهى ترد عليه ويمشي ( يمكن افتكر اللى واقف معاها ده عمود نور ؟؟!!)
طبعا الولد واقف مندهش المهم يجي يتكلم تاني ترد عليه تقوله على فكرة انا مصاحبة وصاحبي (يعني حتى مش خطيبها) هيعدي عليا دلوقتي وعلى فكرة بيغير عليا موووت.


الرجوع الى أعلى الصفحة اذهب الى الأسفل
الاسلام رباني





مُساهمةموضوع: رد: تعالوا نشوف الفرق بين زمان ودلوقتى   الإثنين يوليو 06, 2009 12:57 am

عندك حق وكل ده قلة ادب مع الوالدين في الكلام ............ولسه احنا ماشفناش حاجه
الرجوع الى أعلى الصفحة اذهب الى الأسفل
شيماء جمال
عضو نشيط
عضو نشيط



مُساهمةموضوع: رد: تعالوا نشوف الفرق بين زمان ودلوقتى   الإثنين يوليو 06, 2009 1:23 am

اه والله....ربنا يصلح الحال ويهدى اهلينا علينا ونقدر نحسن تربية ابنائنا...........
الرجوع الى أعلى الصفحة اذهب الى الأسفل
zomorroda





مُساهمةموضوع: رد: تعالوا نشوف الفرق بين زمان ودلوقتى   الإثنين يوليو 06, 2009 1:49 am

عندكوا حق يا شباب والله...ربنا يهدى الشباب اللى من النوع ده ويقدرنا فعلا نربي اولادنا كويس وسط ده كله....ميرسي على مروركم ونورتوا الموضوع
الرجوع الى أعلى الصفحة اذهب الى الأسفل
فاروق





مُساهمةموضوع: رد: تعالوا نشوف الفرق بين زمان ودلوقتى   الأحد يوليو 19, 2009 10:26 pm

موضوع جامد جداً يا زمردة


***************************
أضغط هنا و جعله الله فى ميزان حسناتك
http://www.shbab1.com/2minutes.htm

لا إله إلا الله محمد رسول الله
الرجوع الى أعلى الصفحة اذهب الى الأسفل
zomorroda





مُساهمةموضوع: رد: تعالوا نشوف الفرق بين زمان ودلوقتى   الأحد يوليو 19, 2009 11:26 pm

ميرسي لمرورك يا فاروق ......اى خدمة
الرجوع الى أعلى الصفحة اذهب الى الأسفل
 
تعالوا نشوف الفرق بين زمان ودلوقتى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتدى العام :: المواضيع العامة-
انتقل الى: