لو خيالك واسع؟؟؟؟؟؟؟؟؟؟؟؟؟؟؟؟

عضو جديد

أولا طبعا......... السلام عليكم

ثلاث مواقف محتاجة منك انك تتخيليهم معايا ok نبدأ يلا بينا
1-نزلتي المول تتفسحي مع صحباتك ووأنتي ماشية لاقيتي حد لابس جيبة شكلها روعة مشفتيش زيها وكعادتنا بتبصي علي بقيت الطقم والمفاجاة انك تلاقي اللي لابسة الجيبة "ولد" مش بنت تعمل ايه يا قمر confused

2-ماشاء الله اتجوزتي راجل صالح وكويس جدا جابلك "خادمة" بيدلعك بقي وكنتي في مشوار وبتدخلي الشقة لقيتي صنيعية والشقة مقلوبة العفش أتباع والوان الحيطان بيغيروها واما تسألي "الخادمة" ترد بمنتهي ال........ وتفولك اصلي مش عاجبني ذوقك فقلت افرش الشقة بحيث أنها تريحني نفسيا عشان اعرف اشتغل عندك affraid

3-مبروك جيبتلنا بنت زي القمر geek

وأما كبرت شوية اديتيها عقد قيم جدا وغالي قوي عندك هدية من ام لبنتها وفي يوم بتسأليها عن العقد قالتلك " مش فاكرة ياماما بقي أصل واحدة قالتلي عنه انه شكله شيك قوي وجميل ويجنن اديتهولها أصل بصراحة ياماما كلامها حلو قوي" حتزعلي ؟؟؟؟؟؟؟؟؟؟
طب ممكن تركزي شوية لانك ممكن تكوني حد من الثلاثة اللي فاتوا او التلاتة كلهم ازاي؟
أقولكم بس طبعا "ولله المثل الاعلي ليس كمثله شيء في الارض ولا في السماء"

الاولي الولد اللي بيلبس لبس البنات طب ما انتي بتلبس لبس ولاد ليه مش بستغربي شكلك وانتي قدام المراية ولا بتضحكي علي نفسك وتقنعيها انه سترة واحسن من الجيبة او العباية وانه بقي دلوقتي في بنطلون بناتي

التانية : كلنا عبيد لله خلقنا نعبده وبس مش عشان نقوله معلش يارب بس احنا شايفين ان لو حواجبنا رفعت من هنا حتبقي احلي من الشكل اللي انت خلقته وكمان انت يارب خلقتنا بالوان ثابتة احنا بقي اكتشفنا حاجة اسمها المكياج حتخلينا ملونين بلون هدومنا عشان الناس لما تبصلنا تقول علينا حلوين

واخيرا ربنا جعلك غالية مش اي واحد كده يعرف يوصلك ويتجوزك هو بنفسه اختارهولك مينفعش تيجي انتي بكلمتين يتضحك عليكي من واحد مش عارف حتي يتحمل مسئولية نفسه
انا اسفة لة طولت عليكم بس حبيت اوصل رسالة معينة و يارب تكون وصلت متزعلوش مني والله انا بحبكم في الله ونفسي كل بنت تفوق قبل فوات الاوان

انا دخلت مخصوص والله علشان احيكى على هذا الكلام جزاكى الله كل خير وجعله الله فى ميزان حسناتك

لو كل بنت عملت بكل نصيحة انتى قلتيها والله الدنيا حايبقى فيها حاجات جميلة جدا

وانا بناشدك فى كل كلمة قولتيها إيه لزمة النبطلون " عن ابن عباس رضي الله عنهما قال: قال رسول الله صلى الله عليه وسلم : لعن الله المتشبهين من الرجال بالنساء، والمتشبهات من النساء بالرجال" رواه البخاري. " وطالما موجود مايستر المرأة ولبس حلال وغير محرم لماذا لا تلبسه بجد انا مرة سألت بنت قلتلها ليه بتلبس بنطلونات كان ردها غريب ردها مش عاشان هى بتحب البنطلونات لا علشان اهلها وقريبها بيقولولها انك لما بتلبس الجيبات بتبقى عامله زى العواجيز ؟؟؟؟؟؟؟ فين بقى النصيحه من الاهل اذا كان الأهل بيعملوا كده البنت حاتلتزم أشك بجد يبقى نرجع فى النقطة دى ونبص لحاجتين مهمبن جدا الاولى انه لازم تكون البنات على اقتناع تام وتعرف انه حرام وتلتزم بامور دينها والثانيه هو دور الاهل من حيث الارشاد والتوجيه ونصح البنت من أجل اتبعاها امور دينها الاسلامى ماأباح فيه ومانهى عنه

وبالنسبة للمكياج انا واللهى العظيم بشوف بنات ماشية بسم الله ماشاء الله وش منور وجمال ومش حاطه فى وشها ولا اى نوع مكياج حتى .. وعلى فكرة مش معنى انى قلت جميله انها بيضه وملامحها مسمسه لا ربنا جعل فيها الجمال هبه من عند الله اصل ممكن تيجى بنت ذكيه شوية وتقول طب ماهى جميلة حاتحط مكياج ليه ؟؟ حارد واقولها فيه بنات جمال وبيحطوا مكياج لانه بقى عادة عندها وتجميل اكتر .. لكن بجد انا بقصد البنات اللى هما مش جمال اوى بجد شفت منهم كتير ولقيتهم جمال جدا ووشهم منور ومفيش اى نوع من المكياج اصل ان الجمال عمره ماكان بالمكياج ولو فيه بنات بتحب تشبع رغبه عندها وبتحب تجرب كل حاجه ممكن تحطه وهى قاعده فى البيت مع زوجها وحايبقى اجمل لما تشبع رغبتها فى طاعه الله اولا ثم التزين لزوجها

نيجى لاخر نقطه وهى البنات اللى بتعجب بالكلام الحلو لازم تعرف انه عمره قصير وانها ربطت نفسها من البداية بشئ مش دايم وحايبقى عاده عندها بمعنى انها لما اتعرفت على شخص ما واعجبت بكلامه خلاص هى اتعودت عليه من كلامه الحلو لما تربتط به .. ده وانا كان الشخص جاد اصلا فى كلامه وفعلا عايزها هى وبيحبها بجد لو افترضنا انه حصله مشاكل ومبقاش بيقول الكلام الحلو بتاع زمان حايحصل اختلافات بينهم لانها اتعودت على حاجه وهى الكلام الحلو لانها ماكنتش شايفه فيه غير ده ولما راح راحت كل حاجه .. انا وصلت جزء من المواضيع المنتشرة يعنى تقيسوا على ده كذا موضوع ان بنت اعجبت بواحد علشان جماله او علشان فلوسه او علشان منصبه ومكنش هدفها حب لشخصه والعكس بالنسبة للولاد فلازم كل بنت تحافظ على نفسها ومتكونش رخيصه لاى حد ولو حد رد وقال بس ده بيحبنى وعايزنى بس ظروفه متسمحش دلوقتى او كذا او كذا تقوله طب لما تكون نفسك او تقدر تتقدملى تبقى تيجى لاهلى وتقطع فورا كلامها معاه

* وهذه بعض الأحاديث اترككم معها :-

* - عن أبي موسى الأشعري - رضي الله عنه - قال: قال رسول الله - صلى الله عليه وسلم -": إذا استعطرت المرأة فمرت على القوم ليجدوا ريحها فهي كذا وكذا قال قولا شديدا، وفي لفظ "فهي زانية"حسن صحيح أخرجه أبو داود والترمذي والنسائي.

* عن عبد الله بن مسعود قال: لعن الله الواشمات والمستوشمات، والنامصات والمتنمصات، والمتفلجات للحسن المغيرات خلق الله، ما لي لا ألعن من لعن النبي - صلى الله عليه وسلم -، وهو في كتاب الله "وما آتاكم الرسول فخذوه وما نهاكم عنه فانتهوا. متفق عليه.
الوشم: هو غرز حاد مثل الإبر ونحوها في أي موضع من الجسم حتى يسيل الدم ثم حشو ذلك الموضوع بالكحل أو النورة.
النمص: هو إزالة شعر الوجه بالمنقاش (ويقال هو مختص بشعر الحاجبيين لترفيعهما أو تسويتهما).
الفلج: فرجة بين الثنايا والرباعيات (في الأسنان).
الوشم والنماص هي التي تقوم بالعمل المستوشمة والمتنمصة والمتفلجة هي التي تطلب أن يفعل بها الوشم أو النمص أو الفلج.

* عن أبي هريرة - رضي الله عنه - قال: قال رسول الله - صلى الله عليه وسلم -:"صنفان من أهل النار لم أراهما: قوم معهم سياط كأذناب البقر يضربون بها الناس، ونساء كاسيات عاريات مميلات مائلات رءوسهن كأسنة البخت المائلة لا يدخلن الجنة ولا يجدن ريحها وإن ريحها ليوجد من مسيرة كذا وكذا:.
متفق عليه .
كاسيات عاريات: تلبس ضيقة أو شفافة أو قصيرة.
مائلات: منحرفات عن طاعة الله.
مميلات: يحملن غبرهن على فعلهن.
البخت: نوع من الإبل عظام السنام.
السنام: أعلى ما ظهر الجمل.

* عن ابن عباس - رضي الله تعالى عنه - قال: "لعن رسول الله - صلى الله عليه وسلم - المتشبهين من الرجال بالنساء والمتشبهات من النساء بالرجال". أخرجه البخاري.

ومعلش اذا كنت دخلت هنا وهو مخصص للبنات فقط حبيت يكون ليا تعليق علشان بجد نفسى اشوف الولاد والبنات بيرضوا الله سبحانه وتعالى وبيرضوا رسوله الكريم محمد صلى الله عليه وسلم ( عليه الصلاة والسلام ) ولا يعصوهم ابداً

جزاكم الله خيرا لفرولاية ولفاروق ويجعله في ميزان حسناتكم

عضو نشيط

موضوع جميل وهادف
شكرا فرولايه ليكى انتى وفاروق

نورتى ميرا الموضوع

ومنتظر آرائك وتفاعلك